Стручниот комитет за имунизација на Србија му предложи на Кризниот штаб за борба против Ковид-19 кај нашиот северен сосед да донесе одлука за аплицирање на трета доза од вакцината против корона вирусот најмалку 6 месеци по дадената втора доза.

При тоа се препорачува трети дози да се даваат од ткн РНК вакцини, односно вакцините на Фајзер и Модерна, која во Србија треба да пристигне во Октомври.

Според оваа препорака, досегашните истражувања покажале дека примената на третата доза, односно бустер дозата од вакцините против Ковид-19, доведуваат до зголемување на хуморалниот имунитет.

Овие трети дози се препорачани за луѓето кои се имунизирале пред 6 месеци, без оглед со која вакцина, и тоа првенствено кај: луѓето со имунитен дефицит, луѓе со трансплантирана коскена срцевина, кај постари од 70 години, постари од 60 години кои се сместени во домови за нега но и кај здравствените работници и вработените во социјалната заштита.

Сепак, третата доза може да ја примат и сите останати луѓе кај кои од давањето на втората доза поминале најмалку 6 месеци.