Во последните 24 часа регистрирани се нови 190 случаи на заболени од Ковид-19 од вкупно 1530 тестирања, говори последната информација од Министерството за здравство. Од нив, најголем број – 71 се од Скопје, 19 од Куманово, 12 од Прилеп, 11 од Струга, по 8 од Кичево, Кавадарци и од Неготино, 7 од Ресен, 6 од Тетово итн.

Во болнички услови, починати се 6 лица: 4 пациенти од Скопје на возраст од 44, 60, 74 и 86 години, еден од Куманово на 72 години и еден пациент од Гостивар на 64 годишна возраст.

Институтот за јавно здравје регистрира 2009 оздравени пациенти. Најмногу се од Скопје – 1356.