Судскиот совет денеска на јавна седница ќе одлучува по иницијативата за дисциплинска одговорност на претседателката на Врховниот суд, Беса Адеми.

Според Законот за Судски совет, постапката за утврдување одговорност на судија е од доверлив карактер и треба да биде без присуство на јавноста, но судијката Адеми побара на сослушувањето на биде присутна јавноста, односно да бидат присутни медиумите.

Судскиот совет со осум гласа „за“ одлучи да го прифати нејзиното барање.

Иницијативата за дисциплинска одговорност со разрешување беше поднесена откако Адеми во интервју посочи дека судот со којшто раководи се соочува со политички притисоци и закани од разрешување на врховни судии.