НАТО не може да зависи од расположението на американскиот претседател, изјави денеска високиот претставник на ЕУ за надворешна политика и безбедност Жозеп Борел, одговарајќи на изјавите на поранешниот американски претседател, Доналд Трамп.

„Ќе бидам саркастичен, во таа кампања ќе слушнеме и видиме многу работи. Да бидеме сериозни, НАТО не може да биде воен сојуз „по избор“ ниту да зависи од расположението на американскиот претседател“, рече Борел.

„Не може еден ден да биде „да“, а друг ден „извинете, кој бевте вие“. Да бидеме сериозни. НАТО или постои или не. Нема да губам време коментирајќи ја секоја глупава идеја што може да се слушне во оваа кампања“, рече Борел, мислејќи на кампањата за претседателските избори во САД.