Русија денеска изврши напад врз Одеса за време на посетата на пристаништниот град на украинскиот претседател Володомир Зеленски и неговиот гостин, грчкиот премиер Кирјакос Мицотакис. Според „Украинска правда“, во нападот загинале пет лица.
„На самиот крај на посетата, слушнавме сирени за воздушна опасност и експлозии недалеку од нас. Немавме време да одиме во засолниште“, рече Мицотакис по завршување на нападот.
Зеленски го осуди рускиот напад и рече дека „Русите не водат сметка каде гаѓаат“, додавајќи дека има загинати и ранети.
‼️🇺🇦💥 BREAKING Powerful explosion in Odessa, where the Prime Minister of #Greece was supposed to meet with #Zelensky.
🚨 Air raid alarm and an explosion in Odessa.
Greek Prime Minister Kyriakos Mitsotakis was supposed to visit the city today to meet with President Zelensky. pic.twitter.com/sp5k9kEZkc
— Maimunka News (@MaimunkaNews) March 6, 2024
Зеленски и Мицотакис беа во обиколка на пристаништето на југот на Украина кое е клучно за извоз на житарки преку Црното Море. Зеленски го запозна Мицотакис за напорите што се преземаат за да се „обнови и засили таа украинска поморска рута“.
Преку таа рута, до крајот на договорот со Русија во јули во 2023 година, беа извезени 28 милиони тони украински житарици. Русија го напушти договорот поради отежнат извоз на сопствените земјоделски производи, како резултат на бирократските пречки на западот.
