Претседателката Гордана Сиљановска-Давкова не го прекрши Преспанскиот договор со тоа што не го  кажа целосното уставно име во свечената заклетва во Собранието. Ова е ставот на професорот од Правниот факултет, Васко Наумовски, кој е поранешен вицепремиер за европски прашања и поранешен амбасадор во САД.

Според Наумовски, Договорот од Преспа предвидува постепено имплементирање на одредбите, согласно отворањето на поглавјата од преговорите со ЕУ.

Во 2019 година стапија на сила одредбите од Преспанскиот договор, со кој државата го смени своето уставно име во „Република Северна Македонија“ за севкупна употреба.