Оваа година Антикорупциската комисија поднела 384 прекршочни платни налози за неподнесени имотни анкетни листови. Минатата година спровела посебна акција и открила дека 710 функционери не ја исполниле оваа своја обврска, поради што ќе одговараат прекршочно.

Ова е дел од одговорот на претседателката на Антикорупциска, Билјана Ивановска на пратеничкото прашање поврзано со непријавениот имот. Ивановска потенцира дека сè уште го чекаат новиот софтвер, со кој автоматски ќе се евидентираат промените во имотот на над 5.000 функционери.