Десет илјади евра за исвиркување на химната на Бугарија и 4.500 евра за фрлање на предмети на теренот е казната која УЕФА ја изрече за македонската Фудбалска федерација за настаните на натпреварот Македонија – Бугарија што се одигра на 26 септември во Скопје.

ФФМ ќе треба да плати вкупно 14.500 евра за сѐ она што се случуваше на фудбалскиот натпревар на националната арена „Тодор Проески“. Македонскиот репрезентативец Тодор Тодороски, кој доби црвен картон на тој натпревар, ќе мора да паузира еден меч.