И без да се зголеми цената на струјата – со ДДВ-то од 10 % ќе пораснат сметките на граѓаните. Првиот регулатор, Марко Бислимовски во интервју за Телма апелира сериозно да се анализира зголемувањето на ДДВ-то кое се најавува од 1 јануари, бидејќи, според него, има и други механизми, наместо зголемување на стапката.

Во интервју за Телма, претседателот на Регулаторната комисија за енергетика зборува и за општините кои за да плаќаат пониски сметки за струја на несоодветен начин се префрлија на регулиран пазар од каде се снабдуваат граѓаните. Ги обвинува дека треба да ја подобрат ефикасноста во работењето, а не постојано да бараат помош.