Косовскиот премиер Албин Курти оцени дека средбата со опозицијата поминала многу добро. Во истовреме претседателот на Демократската партија на Косово, Мемљи Красниќи,  со оценка дека владата се занимава со технички прашања наместо да се фокусира на конечниот сеопфатен договор со Србија „што ќе донесе меѓусебно признавање“.

Претседателот на Демократскиот сојуз на Косово, Љумир Абдиџику коментираше дека Косово мора да инсистира на договор кој ќе се фокусира на меѓусебното признавање и ќе го зачува територијалниот интегритет и уставниот поредок на Косово.

Претседателот на Алијансата за иднината на Косово, Рамуш Харадинај, ја напушти средбата со премиерот на Косово, Албин Курти, бидејќи не сакаше да одговори на прашањето на лидерот на опозицијата зошто не го прифати барањето на САД за одложување на рок за пререгистрација на возила во „РКС“, јавува Косово онлајн.

Харадинај на Фејсбук порача дека за него е неприфатливо Косово да ги прекине односите со САД.

• „Иако бев дел од средбата со премиерот Курти, бев принуден да ја напуштам средбата бидејќи Курти држеше предавање и не ни објасни зошто ги прекинал односите со Америка и зошто не се исполнува нивното барање. За мене е неприфатливо во вакви чувствителни случаи да ги раскинуваме односите со главниот безбедносен сојузник“, рече лидерот на Алијансата за иднината на Косово.

Претседателот на Алијансата за иднината на Косово, Рамуш Харадинај, на вчерашната прес-конференција рече дека Косово има шанса да го добие признавањето од Србија, но според него, тоа не е направено бидејќи Курти „не ја суспендирал одлуката за регистарските таблички“.