Доналд Трамп и официјално поднесе кандидатура за наредните претседателски избори во САД во 2024 година кои ќе бидат трети во неговата политичка кариера. Во премиерното учество победи, во второто загуби од Џо Бајден.

Неговата кандидатура ќе ја направи американската политичка сцена уште поинтересна, особено во контекст на војната во Украина и на односот на САД кон НАТО.

Неговиот син, Доналд Трамп Јуниор, на Твитер се прашува дали е време да се престане со издвојување на милијарди за Украина, откако украински проектил падна во Полска.

„Бидејќи украински проектил ја погоди НАТО сојузничката Полска, може ли сега барем да престанеме да трошиме милијарди за да ги вооружуваме“, се прашува Донал Трамп Јуниор.