Внуката на американскиот претседател Џо Бајден, Наоми Бајден и нејзиниот вереник, Питер Нил ќе се венчаат во Белата куќа.

Тоа ќе биде 19 венчавка во Белата куќа која, за разлика од некои претходни, ќе биде скриена од очите на јавноста.

Младенците решија венчавката да биде без присуство на новинари, но претседателот и првата дама на САД најавија соопштение со неколку фотографии од веселбата.

Церемонијата на венчање е приватна и сите трошоци ќе бидат на товар на семејството Бајден, соопшти Белата куќа.

Наоми Бајден (28) е адвокатка од Вашингтон. Нејзини родители се Хантер Бајден, син на претседателот Џо Бајден, и Кетлин Бухле.