Новак Ѓоковиќ го совлада Каспер Руд со 7:5, 6:3 во финалето на завршниот АТП Мастерс турнир во Торино и се израмни со Роџер Федерер на врвот на вечната листа.

Српскиот тенисер, иако не се чувствуваше најдобро пред натпревар, сепак, рутински стигна до триумф над 13 години помладиот ривал по час и 31 минута минати на теренот. За победата инкасира и 4,7 милиони долари.

За моментно осмиот светски рекет ова е шеста титула на завршниот Мастерс, со што се израмни по бројот на освоени титули со Швајцарецот Роџер Федерер. По пет имаат Пит Сампрас и Иван Лендл.

За Ѓоковиќ ова беше прво финале во Торино од 2018 година, кога загуби од Александар Зверев. Последната титула ја освои во 2015 година, по победата над Федерер. Трофејот на завршниот Мастерс го освојуваше и во 2008 година по триумфот над Николај Давиденко, во 2012 година – победа над Федерер, во 2013 година – победа над Рафаел Надал и во 2014 година – победа над Федерер.