Земјотрес со јачина од шест степени според Рихтеровата скала доцна синоќа го погоди грчкиот остров Крит, по што на жителите веднаш им е издадено предупредување за цунами.

Засега нема информации за причинета штета. Земјотресот се случил во 01:25 по полноќ, а епицентарот бил во морето на околу 60 километри североисточно од градот Ситеја, кој се наоѓа на североисточната страна на островот.