Новата сезона во СЕХА лигата ќе почне на 10 октомври и во новото издание на регионалното ракометно клупско натпреварување наместо 12 ќе партиципираат десет екипи.

Учесниците ќе бидат поделени во две групи, а за разлика од минатата сезона во лигата нема да настапат Спартак Москва и екипата на Универзитетот во Пекинг.

Во А конкуренцијата ќе се натпреваруваат Вардар, Татран Прешов, Војводина, Мотор Запорожје и Нексе.

Во Б конкуренцијата се партиципираат Еурофарм Пелистер, бранителот на трофејот Веспрем, Загреб, Мешков Брест и Металопластика.

По комплетирањето на фазата по групи четирите првопласирани ќе го продолжат натпреварувањето.