Новак Ѓоковиќ е во Австралија и веќе почна со тренинзи на тениските терени во пресрет на првиот гренд слем во сезоната.

Ѓоковиќ во јануари беше протеран од Австралија поради вакциналниот статус за корона. Австралиските власти првин му дадоа исклучок од строгите австралиски ковид протоколи, но поради реакцијата во јавноста оптоварена со долг карантин и потреба пд вакцинирање, уште на аеродромот му ја поништија дозволата за влез.

Ѓоковиќ првин беше во центар за депортација, доби на суд, но ресорниот министер му издаде забрана, го протера од Австралија и му издаде забрана за влез од 3 години. Ѓоковиќ не успеа да заигра на Австралија Опен, имаше пристојна сезона (освои 5 турнири во сите категории и заврши 5-ти на АТП ранг листата) иако поради непримена вакцина не можеше да настапи на половина од најголемите тениски турнири.

Во меѓувреме партијата чиј министер го протера и му “пресуди” тригодишна забрана изгуби на избори, а новата влада ја поништи забраната.

Ѓоковиќ е рекордер по освоени гренд слемови во Австралија, досега има 9 и ќе се бори за јубилејната десетта титула во Мелбурн.

Неговиот ривал од Шпанија, Рафаел Надал има вкупно 23 гренд слем титули (една повеќе од српскиот тенисер). Двајцата ветерани се уште се држат иако на сцена стапи новата млада генерација тенисери предводена од тинејџерите Алкараз (најмлад број 1 во историјата на тенисот) и Руне.

Ѓоковиќ новата “после-депортирање” сезона ќе ја почне на турнирот во Аделаида каде веќе тренира.

Novak Djokovic’s first training in Australia since being deported nearly 12 months ago.

The former world #1 looking in good spirits – preparing to open his 2023 campaign in the Adelaide International – before hunting a 10th Australian Open title.@9NewsAdel @wwos pic.twitter.com/uVuhUSAg3c

— Emma Henderson (@EmmaHendo9) December 28, 2022