Тренерот на Атлетико Мадрид, Диего Симеоне ги информирал челниците на клубот дека сака да си замине по завршувањето на актуелната сезона. Аргентинецот сака нов предизвик во кариерата и побарал раскин на договорот една година порано.

Со доаѓанњето на Симеоне на клупата на Атлетико, дојдоа и успесите на клубот. Тој со „атлети“ финишираше во ТОП 4 во Ла Лига во сите целосни сезони како го води тимот. Освои две титули во Ла Лига, два пати стигна до финалето во Лигата на шампиони, освои две титули во Лигата на Европа, два Суперкупови на Европа, Копа дел Реј и шпански Суперкуп.

Поради сите овие успеси, Симеоне моментално е најплатениот тренер во светот на фудбалот со плата од речиси 30 милиони евра годишно.