Лос Анџелес клиперс ја прекинаа лошата серија од шест порази по ред откако на домашен паркет славеа против Далас со 113-101 во рамки на НБА-лигата.
Лука Дончиќ беше феновменален и постигна 43 поени, но тоа не беше доволно за Маверикс. Во редовите на домашниот тим Каваи Ленард го водеше тимот со 33 поени, а Норман Пауел постигна 27 поени.
Мајами ја совлада Оклахома со 112-111 и постави неверојатен рекорд. Домашните кошаркари реализираа 40 слободни фрлања без ниту едно промашување. Џими Батлер имаше 35 поени за Хит, додека кај Тандер најдобар беше Шаи Гилгеус-Александер со 26 поени.
Донован Мичел постигна 46 поени за Кливленд во неговото прво враќање во Солт Лејк сити по трејдот, но Јута славеше со 116-114.
На останатите натпревари:
Филаделфија – Детроит 147-116
Торонто – Шарлот 132-120
Голден Стејт – Феникс 113-125
