Валенсија денеска му врачи отказ на тренерот Џенаро Гатузо по вчерашниот пораз од Ваљадолид од 1-0 во Ла Лига. Тимот од „Месталја“ се наоѓа на 14.место на табелата откако оствари само пет победи на 18 натпревари.

Италијанецот седна на клупата на Валенсија минатото лето и потпиша двегодишен договор. Тој не успеа да го крене тимот, кој во изминатите неколку сезони е во сериозен пад. Привремен тренер ќе биде Воро Гонзалез, кој интересно по осми пат ја презема оваа функција во клубот.