Италијанката Марта Басино го освои златниот медал во супервелеслалом на Светското првенство во алпско скијање што се одржува во Куршевел.

Дваесет и шест годишната Басино не се вбројуваше меѓу фаворитките за највисок пласман, но на крајот триумфираше со 11 стотинки предност во однос на Михаела Шифрин.

Бронзениот трофеј го поделија Корнелија Хетер од Австрија и Норвежанката, Кајса Викоф Лие кои зад шампионката заостанаа 33 стоти дела од секундата.

Бранителката на златото од пред две години Лара Гут Бехрами денешниот настап го заврши на шестото место додека фаворитките за највисок пласман Федерика Брињоне и Софија Гоџа на крајот ја освоија осмата и 11-тата позиција.

Светскиот шампионат продолжува утре со супервелеслаломот во машка конкуренција.