Манчестер Јунајтед во текот на летниот преоден рок ќе му дозволи трансфер на Хари Мекгваер и неговата цена изнесува 40 милиони фунти.
Поради лошата форма англискиот репрезентативец го загуби статусот на стандарден член на првата постава и еден од најскапите фудбалери во Премиер лигата остана и без капитенската лента.
Менаџерот Ерик Тен Хаг во моментов им дава предност на Рафаел Варан и Лисандро Мартинез и фудбалерот за кој беа платени 80 милиони фунти сега може да си замине од Олд Трафорд за двојно пониска сума.
Дваесет и девет годишниот дефанзивец во текот на сезоната само пет пати се најде меѓу стартните 11 и тоа е доволна причина Манчестер Јунајтед да му дозволи трансфер на Мекгваер две години пред завршувањето на договорот.
Како најсериозни кандидати за негово ангажирање се споменуваат Астон Вила, Вест Хем и Милан.
ФОТО: Игор Паневски
