Осумдесет и седмиот тенисер на светот, Џордан Томпсон од Австралија го направи најголемото изненадување на првиот турнир од Мастерс серијата што се одржува во Индијан Велс.

Томпсон по голема борба во меч што траеше два часа и 40 минути во три сета со 7:6, 4:6 и 7:6 го совлада вториот фаворит Стефанос Циципас.

Место во следната рунда обезбеди третиот носител Каспер Руд по победата над Диего Шварцман, а турнирот го продолжува и носителот број 5, Данил Медведев по триумфот над Брендон Накашима.

Британецот, Камерон Нори славеше над Тунг Лин Ву од Тајван, Александер Зверев триумфираше во соочувањето со Педро Качин, а Крен Хачанов беше поуспешен од Оскар Оте.

Настапот во Индијан Велс го продолжуваат уште Франсис Тијафо, Алехандро Давидович Фокина, Таро Даниел и Иго Имбер.

ФОТО: Игор Паневски