Познати се четвртфиналните двојки во фудбалската Лига Европа.

Манчестер Јунајтед и во третата елиминациска рунда ќе мора да се соочи со претставник од Шпанија, а овој пат противник е најтрофејниот тим во ова натпреварување, Севилја.

За составот од Олд Трафорд ова ќе биде ново гостување во Андалузија откако претходно го елиминираше Бетис сега ќе се сретне со градскиот ривал, а во првото коло од втората фаза Јунајтед беше поуспешен од Барселона.

Јувентус за место во полуфиналето ќе игра против Спортинг Лисабон, Унион СГ по триумфот над Унион Берлин сега го чека нов германски предизвик и соочување со Баер Леверкузен.

И во последното четвртфинале ќе гледаме реприза од минатогодишното финале во Конференциската лига во кое се среќаваат Рома и Феенорд.