Поранешниот селектор Луис Енрике и натаму е првиот избор на челниците на Челзи за менаџерската функција.

Иако на листата на потенцијални кандидати е вметнат Френк Лампард, единствената причина за објавување на оваа информација е податокот дека клупската легенда вчера беше на трибините на Стемфорд бриџ и го следеше дербито против Ливерпул.

Луис Енрике и натаму ја има пол позиција за менаџерската функција, а потврда за тоа е и веста дека тој веќе имал средба со претседателот Тод Боели.

Според медиумите во Англија, Шпанецот имал три услови под кои би ја прифатил понудата.

Првиот е да му се даде малку време да ја формира екипата и веднаш да нема притисок за врвни резултати.

Луис Енрике побарал и намалување на бројот на играчи кои би ги имал на располагање бидејќи неговиот систем на работа не функционира со голема бројка на фудбалери.

Последната се вбројува меѓу стандардните, а тоа е интервенција во играчкиот кадар и ангажирање на соодветни засилувања пред се во средниот ред и нападот.

ФОТО: Игор Паневски