Кампањата за реизбор на претседателот на САД, Доналд Трамп и нејзините заеднички комитети собраа 247,8 милиони американски долари во септември, објави на Твитер директорот за комуникации Тим Муртау.

Напорите за собирање средства на Џо Бајден донесоа 383 милиони американски долари за истиот период – бројка за која се верува дека е рекордна за кој било претседателски кандидат. Со тоа, Бајден „води“ пред Трамп и во донациите за повеќе од 135 милиони долари.

Кампањата Трамп соопшти дека има готовина од 251,4 милиони долари, во споредба со Бајден од 432 милиони долари.

Ова е втор последователен месец во кој Бајден значително го надминува претседателот.