Светскиот рекет број 1, Новак Ѓоковиќ нема да настапи на претстојниот мастерс турнир во Мадрид. Србинот очигледно има проблеми со повреда, а тоа го потврдува и фактот што доживеа две рани елимининации во Монте Карло и Бања Лука.

Организаторите на мастерсот во Мадрид потврдија дека Ѓоковиќ ќе го прескокне турнирот поради повреда на лактот. Најдобриот светски тенисер играше доста слабо на стартот на сезоната на земјена подлога. Испадна во осминафиналето во Монте Карло, а вчера беше елиминиран во четвртфиналето во Бања Лука од сонародникот Душан Лајовиќ. Очигледно беше дека Ѓоковиќ не е на своето препознатливо ниво поради проблеми со лактот.

Мастерсот во Мадрид стартува на 26 април, каде Ѓоковиќ е трикратен шампион. Се очекува Србинот да биде подготвен за настап на следниот мастерс во Рим, што почнува веднаш по Мадрид, поточно на 10 мај.