Двата масакри кои се случија изминатава недела се страшна трагедија и мора да донесеме остри мерки порача српскиот претседател Александар Вучиќ.

Тој рече дека се плаши од имитатори, по масовното убиство во училиштето „Владислав Рибникар“ и ги повика граѓаните да го предадат нерегистрираното оружје, ветувајќи дека нема да има последици по нив доколку тоа го сторат до 8 јуни.

Клучната мерка, како што кажа, е тоа што ќе има полицајци во сите училишта, а ќе биде зголемен и бројот на педагози и психолози.

Неговите проценки се дека присуството на полицијата ќе го намали нивото на врсничко насилство во училиштата за 70 до 80 отсто.

Меѓувреме како шти најави ќе се намалува и бројот на легално оружје од 90 отсто, а ваквата мерка нема да важи за ловечко оружје туку за оружја кои се користат во ликвидации.

Првите мерки на властите во Србија по масовните убиства од утре стапуваат на сила