Бостон продолжува да се бори против елиминација во Источното финале во НБА-лигата и од 0-3 негатива против Мајами сега резултатот во победи е 2-3.

Селтикс го искористија домашниот терен на петтиот натпревар и славеа со 110-97. Со оваа победа Бостон е близу да направи историја во НБА-лигата односно ако успее да го елиминира Мајами ќе биде првиот тим што успеал да се врати од 3-0 негатива.

Дерик Вајт имаше 24 поени за домашниот тим, Маркус Смарт еден помалку, а Џелјен Браун и Џејсон Тејтум финишираа со по 21 поен. Данкан Робинсон со 18 поени беше најдобар кај Мајами, 16 имаше Бам Адебајо, додека првата ѕвезда Џими Батлер запиша само 14 поени.

Следниот шести натпревар се игра во Мајами во недела во 2:30 часот по полноќ.