Актуелната директорка на Државниот санитарен и здравствен инспекторат (ДСЗИ), Рената Младеновска за „Фокус“ потврди дека досега не правеле никаков надзор на Кардиохирургија.
„Досега, ние како ДСЗИ, не сме правеле никаков надзор на Кардиохирургија, ниту, пак, досега имало таква потреба. Откако сум јас директорка, до нас немало никаква претставка за работата на Кардиохирургија. До ДСЗИ не е доставен налог од министерот за здравство за вршење на вонреден инспекциски надзор во Клиника за кардиохирургија. Секако дека се вршеле редовни надзори“, истакна Младеновска во изјава за „Фокус“.
