Минатата година Град Скопје не го подржа финансиски, а не се знае дали и годинава ќе стигне таа подршка. Но, „ Скопско лето“, традиционално ќе започне утре на првиот ден од летото и на Светскиот ден на музиката.

Дирекцијата за култура и уметност, која е организатор на фестивалот, најави програма со домашни и странски учесници која е за сечиј вкус и за сите возрасти. Програмата ќе започне со концерт, насловен „Вруток“, на кој ќе настапат студенти од Факултетот за музичка уметност од Скопје.