Арсенал не се откажува од намерата да го ангажира Деклан Рајс па на Вест Хем му понуди 105 милиони фунти обештетување за фудбалерот.

Претходните две понуди, „чеканите“ експресно ги одбија, а исто така одбија и понуда од Манчестер сити од 90 милиони фунти за фудбалерот од средниот ред.

Рајс секако е подготвен да си замине од таборот на Вест Хем, но клубот се обидува да извлече што е можно повеќе пари.

Ако ја прифати понудата од 105 милиони фунти, тогаш Рајс ќе стане најскапиот  англиски фудбалер и ќе го надмине трансферот на Џек Грилиш од Астон Вила во Манчестер сити од 100 милиони.