Џејмс Медисон е на прагот да направи трансфер од Лестер во Тотнем за 40 милиони фунти.

Повремениот англиски репрезентативец ги договорил личните услови со Спарс, па сега се очекува само зелено светло од неговиот актуелен клуб за реализација на зделката.

„Лисиците“ изминатава сезона испаднаа од Премиерлигата, па Медисон е првата ѕвезда што го напушта клубот. Се очекува уште неколку играчи да си заминат од Лестер, кои имаат голема вредност на трансфер пазарот како Харви Барнс и Патсон Дака.

Клубот го напушти и Јури Тилеманс како слободен агент и се пресели во Астон Вила.