Се видоа, но ниту се поздравија ниту пак седнаа да се договорат. Пожарникарите денеска повторно на протест пред канцеларијата на градоначалникот Шилегов. Бараат одговор на писменото барање кое му го доставија минатата недела – дали е надлежен за нивниот проблем или не. Ќе протестираат до крајот на неделата а потоа најавуваат дека ќе се преселат пред Владата или Собранието.

Пожарникарите бараат да продолжи исплатата на надоместоците за кои веќе еднаш тужеа и за кои Судот пресуди во нивна корист и нагласуваат дека не бараат покачување на платите.

Градоначалникот Шилегов разговарал со синдикатите на пожарникарите и како претседател на ЗЕЛС попладнево ќе има состанок со премиерот Заев и вицепремиерката Шеќеринска токму за овој проблем. Тој повтори дека законските измени со кои ќе се исполнат барањата на пожарникарите ќе бидат донесени во јуни идната година и дека во моментов најмногу што може да стори е да обезбеди медијатори за што е можно побрзо и финансиски побезболно пожарникарите да ги добијат парите за надоместоци кои веќе има судска пресуда.

Основната плата на пожарникарите се движи меѓу 17 и 290 илјади и со сите надоместоци за прекувремена работа и ризик при работата може да дсотигне до 26 илјади.

Огнен Чанчаревиќ