По Сандро Тонали, Њукасл се подготвува да ангажира уште неколку фудбалери и да формира конкурентен тим за настап во Лигата на шампионите.

Прв на листата е дефанзивецот на Кристал Палас, Марк Гуеи, но во моментов најголем проблем е висината на обештетувањето кое изнесува 60 милиони фунти.

Менаџерот на Њукасл, Еди Хау е заинтересиран и за играчот на Спортинг Лисабон, Гонзало Инасио, кој со португалскиот клуб има договор до 2026 година и откупна клаузула од 45 милиони евра.

И покрај фактот што за двајцата потребно е да се плати големо обештетување Хау смета дека тоа ќе биде голема инвестиција за во иднината бидејќи станува збор за перспективни играчи кои имаат 22 и 21 година.

Њукасл го очекува жесто битка за комплетирање на трансферите на талентираните играчи со оглед на фактот дека за нив интерес покажуваат Манчестер Сити, Ливерпул и Арсенал.

ФОТО: Игор Паневски