Фудбалерот на Ливерпул, Фабињо е пред трансфер во редовите на Ал Итихад од Саудиска Арабија. Бразилецот не отпатува со „црвените“  на турнејата во Германија во рамки на летните подготовки.

Преговорите помеѓу двата клуба се во тек, а се очекува премиерлигашот да инкасира околу 40 милиони евра обештетување од трансферот. Фабињо веќе ги договорил личните услови со Ал Итихад. Овој клуб летово се засили со Карим Бензема од Реал Мадрид, Енголо Канте од Челси и Жота од Селтик.