Наскоро уште еден фудбалер од Европа ќе замине во Саудиска Арабија и ќе потпише договор со Ал Хилал.

Клубот од Блискиот исток ги почнал преговорите со Барселона за комплетирање на трансферот на Рафиња кој по само една година мината на Камп Ноу ќе замине во нова средина.

Бразилецот минатото лето дојде во Барселона од Лидс за сума од 58 милиони евра, но не ги исполни очекувањата на Каталонците и веќе подолг период се говори дека тој ќе добие дозвола да замине во друг клуб.

Понудата од Ал Хилал е 40 милиони евра и се смета дека тоа е доволно челните на Барселона да се согласат да ја прекинат соработката и дека Рафиња наскоро ќе биде промовиран во ново засилување на Ал Хилал.

ФОТО: Игор Паневски