Уставните измени пристигнаа во Собранието. Од денеска течат роковите од постапката за менување на Уставот. По разгледувањето во Уставната комисија, пленарната седница на која треба да се види дали има дво-третинско мнозинство за Иницијативата за менување на Уставот треба да се одржи во рок од 30-тина дена, значи некаде во втората половина на август.

Спикерот Талат Џафери верува дека, доколку постои политичка волја, целиот процес може да заврши до ноември годинава. Ова уверување го изразил денеска при прошталната средба со амбасадорот на Австрија, Георг Вуцас.  Но, пратениците од ВМРО ДПМНЕ, без чии гласови не може да се смени Уставот, секојдневно повторуваат дека нема да гласаат под бугарски диктат.

Премиерот Ковачевски очекува плодна дискусија, конструктивна расправа и надпартиски консензус за продолжување на европските интеграции на државата.

Соња Николовска