Усман Дембеле од раководството на Барселона побарал да се забрзаат преговорите со Пари Сен Жермен околу неговото заминување во редовите на првакот на Франција.

Двата клуба денеска се во интензивни контакти и во текот на разговорите Каталонците понудиле размена на играчи и за трансферот на Дембеле наместо да се платат 50 милиони евра на Камп Ноу да се пресели репрезентативецот на Италија, Марко Верати.

Французите веднаш ја одбиле понудата со намера да го платат бараното обештетување, но трансферот мора да се реализира до вечерва на полноќ со оглед на фактот дека потоа се активира клаузулата во договорот на Дембеле со која сумата двојно се зголемува.

Дембеле со Барселона има договор до крајот на претстојната сезона, но Пари Сен Жермен инсистира на реализација на трансферот бидејќи тој е предвиден како алтернатива при евентуалното заминување на Килијан Мбапе.

ФОТО: Игор Паневски