Ракометарите на Вардар го освоија трофејот во Супер купот на Македонија откако во дуелот против Еурофарм Пелистер успеаа да забележат победа од 30:26.

Црвено-црните и со подмладен состав во однос на претходната сезона одиграа одличен натпревар и на крајот сосема заслужено успеаа да триумфираат.

Дуелот на вечните ривали во најголемиот дел беше рамноправен, ниту еден од противниците немаше поголема предност од два погодоци, а првиот дел заврши со по 13 гола на двете страни.

Идентична беше ситуацијата и во продолжението на средбата. Во завршните 10 минути Вардар влезе со водство од 25:25 и го одржуваше се до самиот финиш кога поведе со 28:25, а до крајот предноста се зголеми за еден погодок за конечни 30:26.

Најефикасен во составот на Вардар беше Срдановиќ со осум погодоци од кои шест беа од линијата од седум метри, Петриќ седум пати се запиша меѓу стрелците додека на спротивната страна Радивојевиќ постигна седум гола.

ФОТО: РФМ