Италијански воен авион се урнал за време на вежби во Торино. На снимките од социјалните мрежи се гледа како авионот паѓа врз автомобил во кој имало патници.

Во несреќата загина петгодишно девојче, нејзиниот деветгодишен брат е тешко повреден, додека родителите не се во животна опасност.. Сите повредени се со изгореници од различен степен и се пренесени во болница.

Италијанските медиуми јавуваат дека воениот авион се урнал при полетување на аеродромот во Торино, а пилотот успеал да се катапултира.