Италијанскиот стратег Џенаро Гатузо ќе биде нов тренер на Олимпик Марсеј. Италијанецот ќе го наследи Марселињо, кој ја напушти клупата на „Велодром“ по барање на навивачите.

Без тренер, Марсеј доживеа убедлив пораз од 4-0 на гостувањето кај ПСЖ во големото француско дерби, па управата на клубот брзо реагираше и се договори со Гатузо.

Легендата на Милан, до лани беше на клупата на Валенсија, а претходно работеше и во Наполи и Милан. Се очекува популарниот „Рино“ вече во петок да го има и првиот тренинг со тимот.