Најмалку 50 лица загинаа, а 50-на други беа ранети денеска во експлозија на бомба во Пакистан, соопштија властите.

Нападот бил извршен од бомбаш самоубиец во градот Мастунг, област во провинцијата Балуџистан, на собир во чест на раѓањето на исламскиот пророк Мухамед, изјави владин претставник.

Според него, повредените се префрлени во блиските болници, а дел од нив се во критична состојба.

Муслиманите во Пакистан и ширум светот го слават роденденот на исламскиот пророк со одржување јавни собири.