Бомбаш самоубиец активираше експлозивна направа пред турското министерство за внатрешни работи во Анкара. Во нападот според последните информации едно лице го загуби животот а повеќемина се повредени.

Турските власти информираа напаѓачот имал и помагач но тој бил ликвидиран од безбедносните служби.

Засега нема информации кој стои зад бомбашкиот напад. Курдските и екстремно левичарските милитантни групи, како и групата Исламска држава, во минатото извршија смртоносни напади низ целата земја.

Нападот се случи неколку часа пред повторното отворање на Парламентот по летниот одмор.

Бомбашкиот напад сепак не го спречи турскиот претседател Реџеп Таип Ердоган да присуствува на денешната парламентарна седница.