Министерот за одбрана на Израел, Јоав Галант порача дека припадниците на Хамас имаат две опции – да се предадат или да умрат.

„Нашите авиони ќе стигнат секаде, секој проектил има адреса. Ќе дојдеме до секој припадник на Хамас“, рече Галант пред пилотите и механичарите на ловците Ф-35 на израелските воздухопловни сили во базата Неватим.

„Припадниците на Хамас имаат две опции – или да умрат на своите позиции или безусловно да се предадат. Ќе го збришеме Хамас“, додаде израелскиот министер за одбрана.