Десничарската влада на италијанската премиерка Џорџа Мелони соопшти дека по проценка на ситуацијата, неопходно е зајакнување на италијанската граница.

Според првичните информации, Италија ја враќа контролата на границата со Словенија поради зголемената закана од терористички напади во Европа поради војната на Блискиот Исток.

Известувањето од Италија веќе го примило словенечкото министерство за внатрешни работи. Контролите на границата треба да се воведат во сабота, ќе траат десет дена, по што ќе се разгледува можност за продолжување на рокот.

Сега е прашање дали Словенија ќе воведе гранични контроли со Хрватска и Унгарија. Италија, Словенија, Унгарија и Хрватска се дел од Шенген зоната за слобпдно движење без гранични контроли во поголем дел од земјите на ЕУ и во нивните соседни држави.

Како што информираат агенциите од регионот словенечката влада во четврток на редовна седница треба да одлучи за тоа.