Американски демонстранти упаднаа во дел од зградата на Капитол, протестирајќи против војната меѓу Израел и Газа. Според извештаите, уапсени се околу 50 лица бидејќи демонстрациите не се дозволени во зградите на Конгресот.

Дел од пораките на социјалните медиуми се дека зад протестот стои непрофитната организација „Еврејски глас за мир“ како и дека демонстрантите нема да го напуштат објектот се додека Конгресот не повика на прекин на огнот во Газа. На протест во Вашингтон пак еврејски и палестински активисти повикаа и на прекин на американската воена поддршка за израелската држава. Тука сме да повикаме да се стави крај на геноцидот, тагуваме и за израелските и за палестинските изгубени животи, се вели во пораките кои се споделуваа на социјалните мрежи.