Почнаа подготовките за поставување на модуларната болница за ковид пациенти во Гевгелија. Се уредува просторот, се прават приклучоци за струја и вода, коишто се обврска на општината, а монтирањето на болницата го прави министерството за здравство.

Сепак, покрај големиот број пациенти, овој дел нема да биде готов уште најмалку месец и половина.

Дури наредната недела ќе почнат да пристигнуваат елементите, а подоцна ќе се склопуваат.

Според Крџев засега капацитетите на болницата се доволни, бидејќи адаптираат делови од две одделенија додека стаса модуларната болница.

Во Струмица, пак, иако беше најавена модуларна болница во кругот на постоечкиот комплекс, повеќе никој не ја спомнува.

Не е готов ниту регионалниот ковид центар што треба да е сместен во новиот крак, кој веќе двапати го најавуваше министерот за здравство, Венко Филипче. Во меѓувреме, персоналот на болницата се снаоѓа како знае и умее, постојано со преполни капацитети.

Во Југоистокот има околу 1000 активни случаи на ковид-19.

Сузана Мицева