Во дербито на долниот дел од табелата Воска Спорт како гостин го совлада Вардар со 2:1 и ја прекина серијата од три последователни натпревари во кои освојуваше само бод.

Со овој пораз фудбалерите на Вардар само ја продолжија кризата и по трет пат во низа забележаа пораз и останаа на последното место.

Гостите поведоа со голот на Алекса Марушиќ во 4. минута. Во 15-тата Јорго Папули му донесе израмнување на Вардар, а конечните 2:1 за Воска Спорт ги постави Ален Јашаровски.

ФОТО: Игор Паневски