Пелистер го запиша третиот пораз во АБА 2 лигата, бидејќи вечерва загуби од домаќинот на турнирот Златибор со 84-76.

Тимот од Битола го испушти натпреварот во последниот период, кога противникот постигна 30 поени. Пелистер го контролираше водството во втората и третата четвртина, но слабиот финиш го чинеше уште еден пораз во регионалното натпреварување.
Александер Бернард беше најефиксен во редовите на македонскиот тим со 16 поени, додека кај Златибор најмногу се истакна Димитрије Николиќ со 22 поени.

Пелистер по пет натпревари има скор од две победи и три порази.