Голманот на Алкалоид, Иван Галевски на вчерашниот натпревар против Ла Риоха имаше 17 интервенции и заедно со неговиот колега од спротивната страна Криштоф Паласич се прогласени за најдобри чувари на мрежата во последното коло од Европската лига на ЕХФ.

Младиот голман имаше извонредна вечер во СЦ Јане Сандански и беше еден од најзаслужните за историската победа на Алкалоид, прва во дебитантскиот настап на меѓународната сцена.

Аугстин Педерсен од Флензбург со 13 погодоци е најефикасниот играч во ова последна рунда од второто по ранг европско клупско натпреварување додека ветеранот Анди Шмит кој го носи дресот на швајцарскиот претставник Кринс од Луцерн со 12 асистенции е лидер во оваа статистичка категорија.

ФОТО: Игор Паневски